رویداد خبري آژانس په افغانستان کې لومړنۍ دیجټلي خبري آژانس
د رئيسالوزرا دويم مرستيال مولوي عبدالسلام حنفي وايي، په افغانستان کې د پانګونې لپاره د امنيت ټينګښت لومړنی او اساسي شرط دی چې د نوموړي په دا مهال په افغانستان سرتاسري امنيت ټينګ دی.
نوموړي چې نن يکشنبه د (سلواغې په ۱۷مه) يې د اقتصادي کمېسيون په لومړنۍ غونډه کې خبرې کولې وويل، اسلامي امارت د اقتصادي پياوړتيا په موخه د خصوصي سکټور بشپړ ملاتړ ته چمتوو دی او زياته يې کړه چې پانګوال په هره برخه کې چې وغواړي، پانګونه کولی شي.
حنفي دغه راز په حکومتې چارو کې د بېروکراسۍ پر موجوديت اعتراف وکړ؛ خو وې ويل چې پانګوالو ته د اسانتياوو رامنځته کولو په موخه د بيروکراسۍ له منځته وړل اړين دي او حکومت دې کار ته ژمن دي.
په همدې حال کې نوموړي له پانګوالو وغوښتل چې په افغانستان کې پانګونه وکړي او حکومت به ورته د پانګونې لپاره نور لازم او اړين شرايط هم برابر کړي.
