رویداد خبري آژانس په افغانستان کې لومړنۍ دیجټلي خبري آژانس
د افغانستان برېښنا شرکت په يوه تازه خپره کړې خبرپاڼه کې ويلي، چې په ازبېکستان کې د برېښنا سبسټېشنونو تخنيکي ستونزه حل شوې او افغانستان ته د صادراتي برېښنا کچه بېرته خپل اصلي حالت ته راغلې ده.
په خبرپاڼه کې زياته شوې، د ازبېکستان په تيلي مرجان سبسټېشن کې تخنيک ستونزه حل او ورسره نن پنجشنبه سهار د (مرغومي په ۲۳مه) افغانستان ته د دغه هېواد د صادراتي برېښنا د کمښت ستونزه هم حل شوه.
پرون چهارشنبه د افغانستان برېښنا شرکت اعلان وکړ، چې ازبېکستان د تخنيکي ستونزو له امله افغانستان ته د صادراتي برېښنا کچه ۶۰ سلنه کمه کړې ده.
دې شرکت ويلي وو چې د يادې ستونزې له امله د کابل په شمول ۱۶ ولايتونه د برېښنا د پرچاوۍ له ستونزې سره مخ ول.
