رویداد خبري آژانس په افغانستان کې لومړنۍ دیجټلي خبري آژانس
د بريتانيا بهرنيو چارو وزارت تائيد کړې، چې په افغانستان کې د جمهوري نظام له سقوط سره له دې هېواد څخه د بريتانوي پوځيانو د وتلو پرمهال، د خلکو د تخليې په عملياتو کې ډېرې تېروتنې شوي.
ګارډين ورځپاڼې په دې اړه خپل راپور کې ويلي، دې وزارت د تخليې په عملياتو کې د تېروتنو ترڅنګ دا هم منلې، چې برېتانيې د ډېرو هغو افغانانو پرمخ خپله دوازه تړلې، کوم چې يې د تېرو څو کلونو پرمهال په افغانستان کې د برېتانيې له ماموريت سره همکاري کړې ده.
د بريتانيې بهرنيو چارو وزارت ويلي، په اوس کې يادو پاتې شوو افغانانو ته دا ډاډ نه شي ورکولی چې برېتانيا دولت به دې هېواد ته د يادو کسانو د ور لېږدولو زمينه برابره کړي.
ګارډين ويلي، چې تر دې دمه ۵زره افغانانو ته اجازه ورکړل شوې چې بريتانيې ته لاړ شي او له دې وړاندې هم ۵زره نور کسان واک ته د طالبانو له رسېدو سره هممهاله دې هېواد ته بيول.
