رویداد خبري آژانس په افغانستان کې لومړنۍ دیجټلي خبري آژانس
د راپورونو له مخې په برازیل هېواد کې د کرونا ویروس د پیښو له ډېریدو سره سم د یاد هېواد حکومت اعلان وکړ چې په ۲۰۲۱ م کال کې به د برازیل پر ټولو وګړو د کرونا ویروس پر ضد واکسین تطبیقیږي.
د معلوماتو له مخې د برازیل هېواد نفوس ۲۱۲ میلیونه ښودل شوی چې تر دې دمه پورې د یاد هېواد شپږ میلیونه او اوه لکه کسان په کرونا اخته شوي دي.
د دې هېواد روغتیايي چارواکي وايي د کرونا ویروس له امله یو لکو او ۷۸ زره کسان مړه شوي دي.
د برازیل حکومت د کرونا ویروس پر وړاندې د واکسین کولو څو نیټې ښودلي په لومړي ځل ویلي وو چې په مارچ کې به د یاد ویروس پر وړاندې واکسین تطبیقیږي، موده وروسته بیا د جنورۍ او فبرورۍ میاشتې وښودې.
د حکومت پر دغو کړنو او اقداماتو ډېرې نیوکې شوي دي.
