رویداد خبري آژانس په افغانستان کې لومړنۍ دیجټلي خبري آژانس
د افغانستان کرکټ ملي لوبډلې د ۲۰۲۴ کال شل اوریز نړیوال جام په لومړنۍ لوبه کې یوګاناډا ته په ستر توپیر ماتې ورکړه.
په (سي) ګروپ کې د افغانستان لومړنۍ لوبه د یوګانډا پر وړاندې وه، چې د ۱۲۵ منډو په توپیر افغانستان وګټله.
افغان لوبډلې په نننۍ سیالۍ کې لومړی توپوهنه وکړه، د ټولو ۲۰ اوورنو له لوبې وروسته یې پنځه وېکټې له لاسه ورکړې، ۱۸۳ منډې یې وکړې او یوګانډا ته یې د ۱۸۴ منډو هدف وټاکه.
یوګانډا لوبډلې بیا د ۱۶ منډو په لوبه کې ۵۸ منډې وکړې او ټول لوبغاړي یې وسوځېدل.
فضل حق فاروقي د افغانستان له لوري تر ټولو کامیاب بالر ثابت شو، چې یوازې د نهو منډو په بدل کې یې پنځه وېکټې ترلاسه کړې.
راشد خان او نوین الحق دوې، دوې او مجیب الرحمان یوه وېکټه ترلاسه کړه.
د یوګانډا لوبې پیل ښه نه و او د لوبې تر اتم اوور پورې یې یوازې د ۲۸ منډو په بدل کې پنځه لوبغاړي له میدانه بهر شول. له دې پنځو لوبغاړو یو هم ونه توانېد د خپلو منډو شمېر دوه عدده کړي.
