رویداد خبري آژانس په افغانستان کې لومړنۍ دیجټلي خبري آژانس
د افغانستان د کرکټ ملي لوبډلې د نړیوالې شل اوریزې لوبلړۍ دویمه لوبه له ایرلنډ لوبډلې د ۱۰ منډو په توپیر ګټلې ده.
دا لوبه تېره شپه (یکشنبه، د کب ۲۷ مه) د متحده عربي اماراتو په شارجې لوبغالي کې وشوه.
په دې لوبه کې لومړی توپوهنه افغانستان پیل کړه او په ټاکل شویو شلو اورونو کې یې د نهو لوبغاړو په سوځېدو ایرلنډ ته ۱۵۲ منډې هدف کېښود.
د ایرلنډ ملي لوبډلې بیا په ټولو شلو اورونو کې د اتو لوبغاړو په سوځېدو ۱۴۲ منډې وکړای شوې.
د افغانستان او ایرلنډ ترمنځ د شل اوریزو سیالیو لومړۍ لوبه ایرلنډ د ۳۸ منډو په توپیر له افغان لوبډلې ګټلې وه.
ټاکل شوې چې روانې لوبلړۍ درېیمه او وروستۍ لوبه نن دوشنبه د حوت ۲۸مه د شپې مهال وشي.
