رویداد خبري آژانس په افغانستان کې لومړنۍ دیجټلي خبري آژانس
د اروپا پارلمان اعلان کړی چې د روسيې حکومت او د دغه هېواد د ولسمشر ولاديمير پوتين سرسخت مخالف اليکسي نوالني د سخاروف جايزې چې د بشري حقونو لپاره د مبارزې په برخه کې د اروپا تر ټول لويه جايزه ده، ګټونکی دی.
د جايزې ګټونکي په توګه د نوالني په باب دا پرېکړه د اروپا پارلمان له پرونۍ غونډې وروسته شوې ده. د يادې جايزې لپاره د سياسي ګوندونو او بهيرونو مشران نوماندېږي چې د اورپا پارلمان له لوري يې په بشري برخه کې د فعاليتونو تر اروزولو وروسته په اړه پرېکړه کېږي.
اليکسي نوالني ته به دغه جايزه د اروپا پارلمان په راتلونکې غونډه کې چې ټاکل شوې د ډيسمبر په ۱۵ به ترسره شي ورکړل. خو دا چې دامهال نوموړی په روسيه کې د بند ورځې شپې تېروي، اروپايي پارلمان نه ده واضېح کړې د خپلې راتلونکې غونډې پرمهال به دغه جايزه څه اليکسي نوالني ته ورکوي.
