رویداد خبري آژانس په افغانستان کې لومړنۍ دیجټلي خبري آژانس
اروپايي ټولنه وایي تمه ده چې ډېر ژر له ایران سره پر اټومي مسایلو یوه هوکړه رامنځ ته شي.
په وین کې د ایران د اټومي هوکړې پر سر پنځم دور مذاکرات هم پای ته رسېدلي دي.
د اروپايي ټولنې استازي ددې مذاکراتو له پای ته رسېدو وروسته خبریالانو ته ویلي، تمه ده چې د مذاکراتو په بل دور کې د دواړو لورو ترمنځ یو توافق رامنځ ته شي.
نوموړي ویلي سره له پرمختګونو ځینې ستونزې او خنډونه هم شته دي چې د له منځه وړلو لپاره یې هڅې پيل شوې دي.
د بایډن له واکمنۍ سره سم د ایران او امریکا ترمنځ د اټومي تړون پر بیا احیا کولو خبرې روانې دي او د بايډن اداره غواړي له ایران سره ټولې ستونزې د خبرو له لارې حل کړي.
