صدها شهروند تاجکستان از قزاقستان به کشورشان منتقل شدند

ادارهٔ بین‌المللی مهاجرت یا “آی‌او‌ام” می‌گوید، برای انتقال صدها شهروند تاجکستان که به‌خاطر ویروس کرونا در قزاقستان گیرمانده، تدابیری را اتخاذ کرده است.

این شهروندان به‌خاطر محدویت‌های که در ارتباط به جلوگیری از همه‌گیری ویروس کرونا وضع شده، نتوانسته اند که قزاقستان را ترک کنند.

آی‌او‌ام، دیروز جمعه به رادیو آزادی گفت، ۶۳۵ شهروند تاجکستان در ۱۴ بس دیروز از راه سرحدی قزاقستان و ازبکستان وارد کشور شان شدند.

به گفتهٔ اداره بین‌المللی مهاجرت این تاجک‌ها محصلان، کارگران و پناهجویان بودند.