خبرگزاری رویداد اولین خبرگزاری دیجیتلی در افغانستان
ملی پوشان زیر هفده سال کشور امشب در چهارچوب مرحله گروهی رقابت‌های فوتبال زیر هفده سال مرکز آسیا (کافا) به مصاف تاجیکستان می‌روند.
براساس معلومات فدراسیون فوتبال افغانستان، این بازی ساعت ۹:۰۰ امشب (چهارشنبه، ۳۱ اسد) به وقت کابل در کشور تاجیکستان برگزار می‌شود.
در گروپ A این رقابت‌ها تیم‌های افغانستان، تاجیکستان و قرقیزستان هم گروه هستند. افغانستان و تاجیکستان توانستند در بازی‌های قبلی شان قرقیزستان را شکست بدهند و تاجیکستان با تفاضل گل بیشتر صدر نشین این گروپ است.
ملی پوشان کشور در صورتی به دیدار نهایی این رقابت‌ها صعود می‌کنند که تیم ملی تاجیکستانِ میزبان را شکست بدهند. تاجیکستان اما با یک مساوی هم می‌توانند به دیدار نهایی این رقابت‌ها راه‌یابند.
در گروپ B مسابقات کافا تیم‌های ایران، ازبکستان و ترکمنستان هم گروه هستند و صدر نشین این گروپ تیم ملی ایران است.
