خبرگزاری رویداد اولین خبرگزاری دیجیتلی در افغانستان
وزارت صحت عامه ا.ا از دیدار قلندر عباد، سرپرست این وزارت با ماهاتیر محمد، نخست وزیر پیشین مالزیا خبر داده است.
این وزارت شام (دوشنبه، ۴جدی) در صفحه اجتماعی ایکس گفته است که در این دیدار آقای عباد در درباره تبادل تجربه‌ها در زمینه صحت، گسترش روابط دوجانبه در عرصه تجارت و بازدید گردشگران افغان از مالزیا گفت‌وگو کرده است.
این در حالی است که قلندر عباد، سرپرست این وزارت در رأس یک هیأت به مالزیا سفر کرده است.
وزارت صحت عامه هدف این سفر را جلب همکاری‌های بین‌المللی در بخش صحت، معیاری کردن خدمات صحی و مبارزه با بیماری‌های ساری گفته است.
