رییس جمهور غنی با پیشتازان کانکور ملاقات کرد

سه شنبه23میزان1399:

محمد اشرف غنی رییس جمهورکشور با شمسیه علی‌زاده، اول نمره عمومی و پنج تن از پیش‌تازان کانکور امسال دیدار کرده است.
صدیق صدیقی، سخنگوی ریاست جمهوری، گفته است که این دیدار پس از چاشت روز سه‌شنبه، بیست‌ودوم میزان، صورت گرفته است.
رییس جمهور غنی به هر یک از شش  چهره‌ نخبه کانکور ۱۰۰ هزار افغانی تحفه داده است. به گفته‌ی صدیقی، رییس جمهور در این دیدار موفقیت آن‌ها در آزمون کانکور را به نمایندگی از دولت تبریک گفته است.
رییس جمهور غنی گفته است: «شما آینده افغانستان هستید و امیداورم به حدی به ترقی و پیش‌رفت برسید که  رییس جمهور افغانستان شوید» رییس جمهور غنی ابراز آرزومندی کرده است که «ثروت و داشته‌های افغانستان» با دستان پرتوان نخبگان کانکور مدیریت شود.

رییس جمهور غنی هم‌چنان گفته است که «ثمره جمهوریت» را در آن‌ها می‌بیند.
رییس جمهور شمسیه علی‌زاده، اول نمره کانکور را «مثال و الگو» برای دختران افغان توصیف کرده است.
شمیسه علی‌زاده در آزمون کانکور امسال اول نمره عمومی شده است.