خبرگزاری رویداد اولین خبرگزاری دیجیتلی در افغانستان
گفته می‌شود که در این مهمانخانه شهروندان چینی اقامت داشتند.
مجاهد در توییتی نوشته است که تمام مهمانان هوتل نجات یافته‌اند و هیچ شهروند خارجی کشته نشده است.
سخن‌گوی حکومت سرپرست افزوده است که دو شهروند خارجی که خود را از ساختمان بیرون انداختند، زخمی شده‌اند؛ اما او روشن نکرد که این دو نفر شهروند کدام کشور اند.
گفته می‌شود که این حمله حوالی ساعت ۲:۳۰ دقیقه‌ی پس‌ازچاشت روز (دوشنبه، ۲۱ قوس) به هوتل محل اقامت شهروندان چینی در شهر نو کابل رخ داده است. از این ساحه صدای وقوع چندین انفجار نیز شنیده شده بود.
