خبرگزاری رویداد اولین خبرگزاری دیجیتلی در افغانستان
تیم ملی فوتسال کشور در سومین بازی خود در رقابتهای جام فوتسال مرکز آسیا (کافا) با نتیجه‌ی ۵ بر ۱ از ایران شکست خورد.
این بازی، روز (چهارشنبه، ۴ اسد)، در شهر دوشنبه پایتخت تاجیکستان برگزار شد.
پیش از این، تیم ملی فوتسال افغانستان، با پیروزی در برابر تیم‌های فوتسال قرقیزستان و اوزبیکستان در صدر جدول رده‌بندی این رقابت‌ها قرار گرفته بود.
گفتنی است که رقابتهای جام فوتسال مرکز آسیا (کافا) با میزبانی تاجیکستان و اشتراک تیم‌های ملی فوتسال افغانستان، ایران، اوزبیکستان، ترکمنستان و قرقیزستان، در حال برگزاری است.
قرار است ملی پوشان کشور در چهارمین دیدار شان روز جمعه، ۶ اسد در برابر تاجیکستان به میدان بروند.
