خبرگزاری رویداد اولین خبرگزاری دیجیتلی در افغانستان
شنبه15سنبله1399:
امام علی رحمان، نامزد رسمی حزب خلق دموکرات تاجیکستان در انتخابات ریاست‌جمهوری ماه اکتبر خواهد بود
حزب خلق دموکرات تاجیکستان، امامعلی رحمان، را بطور رسمی بعنوان نامزد این حزب در انتخابات پیش‌روی ریاست‌جمهوری این کشور انتخاب کرد.
انتخابات ریاست‌جمهوری تاجیکستان روز ۱۱ اکتبر، کمتر از ۴۰ روز دیگر، برگزار می‌شود.
پیش از این انتظار می‌رفت که انتخابات در ماه نوامبر برگزار شود اما بر اساس تصمیم مشترک پارلمان تاجیکستان، تاریخ ۱۱ اکتبر برای برگزاری انتخابات ریاست‌جمهوری تاجیکستان در نظر گرفته شد.
دور پیشین انتخابات ریاست‌جمهوری در تاجیکستان در روز ششم نوامبر ۲۰۱۳ برگزار شد. مدت زمان ریاست‌جمهوری در این کشور هفت سال است.
