خبرگزاری رویداد اولین خبرگزاری دیجیتلی در افغانستان
رسانه‌های چین گزارش داده‌اند که در پی وقوع آتش‌سوزی گسترده در یک خوابگاه مکتب شبانه‌روزی در ولایت هنان مرکز این کشور، دست‌کم ۱۳ نفر جان باختند.
شبکه دولتی «سی‌سی‌تی‌وی» چین گزارش داده که این حادثه بامداد روز (شنبه، ۲۰ جنوری) در منطقه فانگ‌چنگ در شهر نانیانگ رخ داده که در پی آن ۱۳ نفر جان باختند و یک نفر دیگر زخم برداشته است.
براساس گزارش‌ها، مقامات محلی ولایت هنان اعلام کردند که این آتش‌سوزی پس از ۴۰ دقیقه توسط نیروهای آتش‌نشانی خاموش شده است.
با این حال، مقامات محلی در شهر نانیانگ وضعیت صحی فرد زخمی را نیز وخیم گفته‌اند.
