خبرگزاری رویداد اولین خبرگزاری دیجیتلی در افغانستان
دوشنبه21میزان1399:
بر اساس اعلام نتایج انتخابات ریاست جمهوری تاجیکستان، امامعلی رحمان یک بار دیگر به عنوان رئیس جمهور این کشور تعیین شد.
انتخابات ریاست جمهوری تاجیکستان روز گذشته برگزار شد و در حدود ۷۰درصد واجدین شرایط در آن اشتراک کردند.
کمیته مرکزی انتخابات تاجیکستان صبح امروز (۲۱میزان) اعلام کرد که «امامعلی رحمان» رئیس جمهور این کشور با کسب ۹۰.۹۲ درصد آرای انتخاباتی، برای پنجمین بار موفق به تمدید دوره زمامداری خود شده است.
در سراسر تاجیکستان ۶۸ حوزه انتخاباتی و ۳۳۷۵ مرکز رایدهی رای مردم را اخذ کردند.
امامعلی رحمان نامزد حزب خلقی دموکراتی در این انتخابات با رستم لطیف زاده نامزد حزب کشاورزی، عبدالحلیم غفاراف نامزد حزب سوسیالیست، رستم رحمت زاده نامزد حزب اصلاحات اقتصادی و معراج عبدالله اف نامزد حزب کمونیست تاجیکستان رقابت می کرد.
