Home » فرهنګی او ټولنیز » په میانمار کې ټولنیزې شبکې بندې شوې
رویداد خبري آژانس

په میانمار کې ټولنیزې شبکې بندې شوې

فېس‌بوک او نورې ټولنیزې شبکې په میانمار یا پخوانۍ برما کې بندې شوې دي.

درې ورځې وړاندې د فبرورۍ په لومړۍ نېټه د دې هېواد پوځ قدرت په لاس کې واخیست او د حکومت مشره انګ سان سوچي یې له واکه لیرې کړه.

فېس‌بوک او انترنتي څارونکو نن پنجشنبې تأیید کړه چې په میانمار کې د فېس‌بوک، واټس اپ او انستاګرام په ګډون یو شمېر ټولنیزو شبکو ته لاسرسی محدود شوی دی.

د فېس‌بوک ویاند انډي سټون وویل، له چارواکو غواړي چې شبکو ته د فعالیت اجازه ورکړي ترڅو د میانمار اوسېدونکي له خپلو کورنیو او ملګرو سره په تماس کې شي او مهمو معلوماتو ته لاسرسی ولري.

د میانمار د مخابراتو او معلوماتو وزارت وویل، فېس‌بوک به د فبرورۍ تر اوومې نېټې پورې بند وي.

دغه وزارت په یوه لیک کې چې یوه کاپي یې روېټرز هم ترلاسه کړې ویلي، هغه کسان چې په اوس وخت کې د هېواد ثبات له خطر سره مخامخ کوي، غلط خبرونه او ناسم معلومات خپروي چې هغه د فېس‌بوک د کاروونکو په منځ کې غلط فهمي رامنځته کوي.

شریکول:

About رویداد خبری آژانس

Leave a Reply

Your email address will not be published. Required fields are marked *

*

x

Check Also

د ټولنیز عدالت نړیواله ورځ؛ پوهان د ټولنیز عدالت تامین د پرمختګ او ثبات لامل ګڼي

  نن د فبرورۍ ۲۰مه ...