رویداد خبري آژانس په افغانستان کې لومړنۍ دیجټلي خبري آژانس
دافغانستان د ملي دفاع وزارت له لوري په خپره شوې خبرپاڼه کې راغلي چې افغان کومانډو ځواکونو تېره شپه د هرات په ادرسکن ولسوالۍ کې د طالبانو پر یوه زندان عملیات کړي چې له دې زندان یې ۳۴ کسان را خوشي کړي دي.
دغه وزارت وایي، په خوشي شوو کسانو کې ۱۱ کسه یې د ملي اردو منسوبین، ۷ پولیس، درې کسه د هوايي ځواک غړي او د دولتي مامورینو په ګډون نور کسان شامل دي.
ملي دفاع وزارت همدا راز وایي چې په دې عملیاتو کې شپږ کسه طالب وسله وال هم وژل شوي دي.
وسله والو طالبانو بیا تر اوسه په دې اړه غبرګون نه دی ښودلی.
