رویداد خبري آژانس په افغانستان کې لومړنۍ دیجټلي خبري آژانس
د روغتیا وزارت وایي، د کابل له بېلابېلو سيمو څخه تر دوه سوه ډېر معتادین راټول او د معتادينو روغتيايي مرکزونو ته يووړل شوي دي.
د افغانستان د عامې روغتيا وزارت د معتادينو د درمنلې د ملي پروګرام مسوول محمد شعیب شهرام وايي چې، دا کمپاین د کابل په سرای شمالي او پل سوخته سيمو کې وشو.
نوموړي ویلي، چې په دې کمپاين کې د عامې روغتیا وزارت نشه يي موادو غوښتنې کمولو ریاست، پوليسو، کار او اجتماعي چارو وزارت ونډه درلوده.
هغه دغه راز ویلي دې کمپاين په نتيجه کې ۲۲۵ بې سرپناه معتادین چې د ژمي د يخنۍ له امله يې ژوند له ګواښ سره مخ و راټول او د معتادينو روغتيايي مرکزونو ته يووړل شول.
