رویداد خبري آژانس په افغانستان کې لومړنۍ دیجټلي خبري آژانس
د سریلانکا ملي ټیم د شل اوریزو نړیوالو لوبو په لومړۍ لوبه کې افغانستان ته په څلورو منډو ماته ورکړې ده.
دا لوبه تېره شپه د سلواغې ۲۸مه د سریلانکا په کوربتوب ترسره شوه.
د افغانستان ملي لوبډلې ټاس وګاټه، خو لومړی یې د توپ اچونې پرېکړه وکړه.
د سریلانکا لوبډلې په ۱۹اورونو کې د ۱۰ لوبغاړو په سوځېدو سره افغان لوبډلې ته ۱۶۰ منډې هدف وټاکه.
د لوبې په بل پړاو کې افغان لوبغاړو په لومړي سر کې ښه توپوهنه پیل کړه، خو د لوبو په وروستیو شېبو کې یې پرلهپسې ۹ لوبغاړي له لاسه ورکړل.
افغان ملي لوبډلې په شلو اورونو کې ۱۵۶منډې وکړې او د سریلانکا لخوا ټاکل شوی هدف یې پور نه کړ چې په پایله کې یې د څلورو منډو په توپیر لوبه وبایلله.
د ویلو ده چې د دغه پړاو دویمه لوبه به سبا دوشنبې د سلواغې ۳۰مه ترسره شي.
