رویداد خبري آژانس په افغانستان کې لومړنۍ دیجټلي خبري آژانس
د ولسمشرۍ ماڼۍ لخوا په خپره شوې خبرپاڼه کې راغلي چې ولسمشر غني د اروپايي ټولنې له یوه پلاوي سره کتلي او پر بېلو مسایلو یې خبرې کړې دي.
په دې لیدنه کې تر ډېره د اروپايي ټولنې پر بشردوستانه مرستو خبرې شوې دي او دغه ټولنې ژمنه کړې چې دوی به په افغانستان کې خپلې مرستې او همکارۍ ډېروي.
ددې تر څنګ دواړو لورو پر افغان سولې هم خبرې کړې دي. ولسمشر ویلي چې د سولې په برخه کې د نړیوالو همکاري مهمه ده او افغان حکومت د سولې غوښتونکی دی، خو داسې سوله چې د لاس ته راوړنو د ساتلو سبب شي او جګړې د تل لپاره ختمې کړي.
د اروپايي ټولنې پلاوي هم ویلي چې بین الافغاني مذاکرات باید دوام وکړي او دوی له یوه سوله ییز افغانستان سره هر اړخیزو مرستو ته تیار دي.
