رویداد خبري آژانس په افغانستان کې لومړنۍ دیجټلي خبري آژانس
په خوست ولایت کې فوم جوړولو فابریکې په فعالیت پیل وکړ.
د خوست ولایت چارواکي وایي، چې دغه فابریکې باندې ۷ لکه ډالره پانګونه شوې او په ورځ کې د ۴ ټنه فوم یا سپنج د تولید ظرفیت لري.
د دغه ولایت والي مهمد کټوازي رسنیو ته په خبرو کې ویلي دغې فابريکې په مستقیم او غیر مستقیم ډول شااوخوا ۳۵۰ کسانو ته د کار زمینه برابره کړې ده.
ښاغلی کټوازی وايي، دغه فابریکه سموات صنعتي پارک کې په پنځه جریبه ځمکه کې جوړ شوی ده.
د خوست ولایت د مقام د معلوماتو له مخې دا مهال په خوست ولایت کې ۲۳۵ لويې او وړې تولیدې فابریکې فعالیت لري.
