رویداد خبري آژانس په افغانستان کې لومړنۍ دیجټلي خبري آژانس
امریکا یوه توافق ته د رسېدو لپاره پر طالبانو او افغان حکومت فشارونه ډېر کړي دي.
امریکا غږ انګلیسي برخه په یوه راپور کې وايي چې د ترکیې غونډه د بریا لپاره ټولې هڅې روانې دي او امریکا غواړي چې د خپلو ځواکونو ایستلو ته زمینه برابره کړي.
راپورکې راغلي چې د یوه توافق د رامنځ ته کېدو په موخه امریکا پر طالبانو او افغان حکومت هم فشارونه ډېر کړي دي.
په راپور کې راځي چې ولسمشر غني د امریکا د موقت حکومت د طرحې په مقابل کې د تر وخت مخکې ټاکنو طرحه جوړه کړې ده خو لا روښانه نه ده چې د استانبول په غونډه کې به یې پر وړاندې د ګډونوالو دریځ څه وي.
تر دې وړاندې هم رسنیو راپورونه خپاره کړي وو چې امریکا د خپلو ځواکونو د وتلو لپاره زمینه برابروي چې له همدې امله یې پر طالبانو او افغان حکومت فشارونه ډېر کړي څو د سولې یوې هوکړې ته ورسېږي.
