رویداد خبري آژانس په افغانستان کې لومړنۍ دیجټلي خبري آژانس
د افغانستان کرکټ بورډ خبر ورکړی چې د کرکټ ملي لوبډله نن شنبه د (سلواغې په ۲۳مه) د بنګلدېش له لوبډلې سره د سياليو ترسره کولو په موخه دې هېواد ته روان شوه.
د کرکټ بورډ د مسوولانو په خبره، ملي لوبډلې له بنګلدېش لوبډلې سره د لوبو کولو په موخه بشپړ چمتووالی نيولی او زياتوي چې له ياد سفر وړاندې يې په قطر کې پر تمريناتي کمپونو سربېره، د نيدرلېنډ له لوبډلې سره د يو ورځنيو لوبلړۍ هم ترسره کړې ده.
ټاکل شوې چې د افغانستان او بنګلدېش د کرکټ ملي لوبډلو ترمنځ د درېيو يو ورځنيو او دوو شل اووريزو لوبلړۍ د روانې فبروري په ۲۳مه پيل او د راتلونکي مارچ تر ۵مې به دوام وکړي.
له دې وړاندې افغان لوبډلې له نيدرلېنډ لوبډلې څخه څلور يو ورځنۍ سيالۍ چې په يوه لوبلړۍ کې شاملې وې، ګټلي دي.
