رویداد خبري آژانس په افغانستان کې لومړنۍ دیجټلي خبري آژانس
د افغانستان لپاره د امريکا ځانګړی استازی ټام وېسټ وايي، پاکستان د افغانستان او سيمې په اړوند مسايلو کې تاثير لري، خو امريکا بيا په ځانګړې توګه د افغانستان په اړه د دغه هېواد تګلارې په اړه اندېښمنه ده.
ټام ويسټ له امريکا غږ سره په ځانګړې مرکه کې ويلي، د افغانستان په اړه امريکا او پاکستان د يو بل تګ لارو په اندېښمن وي او ډېر کله دا کار د اسلاماباد او واشنګټن ترمنځ د لانجې راپورته کېدو سبب هم کېږي.
نوموړي ويلي، دا مهال پاکستان شله دی چې په افغانستان کې دې د طالبانو حکومت په رسميت وپېژندل شي، خو د ټام وېسټ په خبره د پاکستان دې غوښتنې د امريکا ځواب نه دی.
په همدې حال کې نوموړي ويلي، نه غواړي چې له طالبانو سره د مذاکراتو ور بند شي او په خبره يې د مذاکراتو له لارې د قناعت په صورت کې ښايي د راتلونکي لپاره پرېکړې وشي.
ټام ويست زياته کړې، افغانستان له وړاندې څخه په مشکلو کې ګېر و خو د طالبانو له لوري د واک په نيولو سره دا مشکل نور هم زيات شول او له همدې کبله امريکا د افغانستان په اړه ندېښمنه ده.
