رویداد خبري آژانس په افغانستان کې لومړنۍ دیجټلي خبري آژانس
د هالنډ لومړي وزير توش موراويسکي يو ځل بيا پر بېلاروس تور پورې کړی چې غواړي پر اروپا او په ځانګړې توګه پر هالنډ د فشار زياتولو په موخه له کډوالو د وسيلې په توګه استفاده وکړي.
نوموړي پرون په لېتوانيا کې د دغه هېواد له لومړي وزير انګريډا سيمونيته سره د لېدنې پرمهال وويل، بېلاروس دامهال افغان او ازبېک کډوال پر اروپا د فشار راوړلو وسيلې په توګه کاروي.
موراويسکي زياته کړې چې په افغانستان کې د موجوده وضعيت له امله رامنځته شوې کډوالي د هالنډ لپاره سخته ده؛ ځکه په خبره يې له دې کډوالۍ د فشار په توګه استفاده کېږي.
د بېلاروس ولسمشر الېکسانډر لوکاشينکا تېره اوونۍ ومنله چې سرتېرو يې له کډوالو سره مرسته کړې څو د بېلاروس له پولې په تېرېدو سره پولنډ ته ور واوړي، خو دا يې رد کړې وه چې ګواکې په لوی لای کډوال خپل هېواد ته وربولي او اروپا ته د اړولو ژمنه ورسره کوي. په دې وروستيو د بېلاروس او پولنډ ترمنځ
