رویداد خبري آژانس په افغانستان کې لومړنۍ دیجټلي خبري آژانس
اسوشيېټيډ پرېس خبري اژانس د امريکا بهرنيو چارو وزارت په حواله راپور ورکړی چې دغه هېواد په پام کې لري څو افغانستان ته يو ميليون ډوز د کرونا نور واکسين هم را ولېږي.
د راپور له مخې، تمه ده چې د کرونا د واکسين دغه مرسته به په راتلونکو اوونيو کې افغانستان ته ولېږدول شي او له دې سره به له افغانستان سره د امريکا له لوري د کرونا مرسته شوي واکسين ټولټال اندازه ۴.۳ ميليونه ډوز ته ورسېږي.
ډاکټرانو خبر ورکړی چې د کووېد۱۹ ناروغي لا هم په افغانستان کې شته او خلک پرې اخته کېږي خو د طالبانو له لوري د واک له نيولو وروسته، پر يادې ناروغۍ د اخته کېدونکو کسانو ورځنۍ شمېرې نه خپرېږي.
