رویداد خبري آژانس په افغانستان کې لومړنۍ دیجټلي خبري آژانس
افغان ولسمشر محمد اشرف غني وایي ترهګر د جنایتونو په ترسره کولو سره د سولې په لار کې خنډ نه شي جوړولی.
ولسمشر غني د یوې اعلامیې په خپرولو سره نن چهارشنبه د سپتمبر ۹ (وږي۱۹) پر لومړي مرستیال امرالله صالح نننی ترهګریز برید غندلی دی.
ولسمشر ویلي چې په پېښه کې د ملکي وګړو پر مرګ ژوبله هم خواشینی دی او دغه ډول پېښې ستر بشري جنایت بولي.
نوموړي ویلي دغه ډول پېښې د ترهګرو ډلو او ددوی د ملاتړو له لوري ترسره شوې دي چې د ورته پېښو په ترسره کولو هېڅ وخت د سولې په لار کې خنډ نه شي جوړولی.
نوموړي امنیتي ادارو ته ددغه پېښې د هر اړخیزې څېړنې او پلټنې امر کړی دی.
ولسمشر پر دې هم ټینګار کړی چې د ترهګرو پر وړاندې به د امنیتي او دفاعي ځواکونو مبارزه په جدیت او قاطعیت ادامه ولري.
