رویداد خبري آژانس په افغانستان کې لومړنۍ دیجټلي خبري آژانس
د پاکستان بهرنيو چارو زوير شاه محمود قرېشي چې د دغه هېواد د لومړي وزير عمران خان په مشرۍ د پلاوي په ترکيب کې چين تللی، د چين له چارواکو سره د افغانستان پر وضعيت هم خبرې کړي دي.
نوموړي پرون د چين له بهرنيو چارو وزير وانګ يي سره د لېدنې پرمهال ويلي، په افغانستان سوله او ثبات پر ګاونډيو هېوادونو سربېره د ټولې سيمې په ګټه هم دی.
قرېشي زياته کړې چې دامهال په افغانستان کې لا هم بشري وضعيت ناسم دی او اړتيا ده چې ګاونډي هېوادونه يې د سمون په موخه جدي هڅې او اقدامات وکړي.
دواړو لوريو ژمنه کړې چې په افغانستان کې د بشري وضعيت سمولو په موخه به خپلمنځي همغږي لا پياوړې او جاري ساتي.
