رویداد خبري آژانس په افغانستان کې لومړنۍ دیجټلي خبري آژانس
د مهاجرت نړیوال سازمان (IOM) وایي، په افغانستان کې د ورښتونو د کمښت او وچکالۍ له امله به په ملیونونو کسان له قحطۍ سره مخامخ شي.
«IOM» پرون په یوه ټویټ کې ویلي چې د افغانستان کرنه پر بارانونو او د واورو د ویلیدو په اوبو پورې ډېره تړلې او د سږ کال بشري چارو ته د رسیدګي پلان اټکل کوي چې تر ۱۷ ملیون پورې به افغانان د وچکالۍ او قحطۍ له امله متأثر شي.
تر دې مخکې د افغانستان د ولسمشر دوهم مرستیال سرور دانش د تېر کال په وروستیو کې ویلي و چې په افغانستان کې ۷۰ سلنه خلک د بېوزلۍ تر کرښې لاندې ژوند کوي او شاوخوا ۱۳ ملیونه وګړي غذايي خوندیتوب نهلري.
د ملګرو ملتونو د بشري مرستو د همغږۍ دفتر تېره میاشت په یوه راپور کې وویل، دا مهال ۱۸ ملیونه او څلور لکه افغانان بشري مرستو ته اړتیا لري چې د تېر کال پرتله دا شمېر دوه برابره زیات شوی دی.
