رویداد خبري آژانس په افغانستان کې لومړنۍ دیجټلي خبري آژانس
په ازبکستان کې نن يکشنبه د (لړم په ۲مه) خلک راوتلي څو په ولسمشريزو ټاکنو کې د رايې ورکولو له لارې نوی ولسمشر وټاکي.
د ازبکستان په دې پړاو ولسمشريزو ټاکنو کې اوسني ولسمشر شوکت ميرضيايف هم نوماند او داسې اټکل کېږي چې ښايي نوموړی د ازبکستان دغه پړاو ولسمشريز ټاکنې هم وګټي.
د ميرضيايف څلور نور سيالان هم د ازبکستان د حکومت پلويان دي او له همدې کبله ګومان دا دی چې د اوسنيو ولسمشريزو ټاکنو ګټونکی نوماند به هم ولسمشر شوکت ميرضيايف وي.
د رايې ورکولو بهير به نن د شپې تر ۸ بجو دوام وکړي او د دغه هېواد خلک به په پوره ۱۱ زره مرکزونو کې رايه وکاروي.
له ۱۹۹۱ زېږديز کال را وروسته دا په ازبکستان کې ۶ ځل ولسمشريزې ټاکنې دي چې ترسره کېږي.
