رویداد خبري آژانس په افغانستان کې لومړنۍ دیجټلي خبري آژانس
په تېر نظام کې مرستيال ولسمشر امرالله صالح وايي، له ۲۰۰۱ تر ۲۰۲۱ زېږديز پورې په افغانستان کې له ترهګرۍ سره د مبارزې تر عنوان لاندې د جګړې ميدان تل د پاکستان لپاره مالي او اقتصادي منبع وه، چې له درکه يې مېلياردونه ډالر ترلاسه کړل.
نوموړي په دې اړه تازه په خپل توېټر کې لېکلي، پاکستان تل په افغانستان کې د جګړې دوام ته د خپلو اقتصادي ګټو له زاويې لېدلي دي. صالح د شوروي اتحاد پر وړاندې د مجاهدينو جګړې ته په اشارې سره ويلي دي، د يادې جګړې پرمهال هم پاکستان پاکستان د شوروي پر ضد د جهاد په نوم مېليادرونه ډالر ترلاسه کړل.
نوموړي په اوس کې د داعش ډلې په اړه ګرم بحث ته هم د پوښتنې په توګه اشاره کړې او د ده په ټکو ايا د داعش خراسان ډله هم د پاکستان لپاره د نغدو پيسو غوا ده؟
د نوموړي دا څرګندونې داسې مهال دي چې ملګرو ملتونو تازه خبر ورکړی، دامهال د داعش ډله په ټولو ولايتونو کې فعاله ده او طالبان نه دي توانېدلي چې د يادې ډلې مخه ونيسي.
