رویداد خبري آژانس په افغانستان کې لومړنۍ دیجټلي خبري آژانس
روېټر خبري اژانس د سرچينو په حواله راپور ورکړی چې ټاکل شوې راتلونکې اوونۍ د قطر امير شېخ تميم بن حمد ال ثاني د افغانستان پر مسايلو د بحث لپاره امريکا ته سفر وکړي.
په راپور کې زياته شوې، چې د دوحې او واشنګټن ترمنځ د شوې همغږۍ پر بنسټ به ال ثاني د روانې جنوري په ۳۱مه واشنګټن ته لاړ شي؛ خو په راپور کې دا نه دي ويل شوي چې د افغانستان اړوند کوم مسايل د قطر او امريکا ترمنځ د بحث په اجنډا کې شامل دي؟
روېټرز دغه راز زياته کړې چې تميم بن حمد ال ثاني به د خپل دې سفر په ترڅ کې، له امريکايي چارواکو سره اورپا ته له قطر څخه د تېلو پر لېږد او دغه راز د ايران اړوند پر ځينو موضوعګانو هم وغږېږي.
واشنګټن ته د قطر د امير دا سفر داسې مهال دی چې دې هېواد ته په افغانستان کې له تحوولاتو وروسته د امريکا سياسي ماموريت هم ورسپارل شوی دی.
