رویداد خبري آژانس په افغانستان کې لومړنۍ دیجټلي خبري آژانس
د پاکستان مخکيني لومړي وزير او د تحريک انصاف ګوند مشر عمران خان خلاف د لومړۍ فضيې له ثبت وروسته، پر نوموړي په اسلاماباد کې دويمه عريضه هم شوې ده.
د تحريک انصاف ګوند غړي شهريار افريدي د دې عريضې يوه کاپي د خپل ټوېټر پر حساب خپره کړې او ويلي يې دي، چې پر عمران خان دا عريضه د روانې اګسټ په ۲۲مه ثبت شوې ده.
په دې عريضې کې پر عمران خان سربېره د تحريک انصاف ګوند د ۱۸ مشرانو نومونه هم درج شوي او په کې تور پورې شوی، چې ياد کسان د حکومت حکم نه مني، د دولتي کارکوونکو په کارونو کې خنډونه رامنځته کوي، ګواښي يې او د خپلو غونډې پرمهال له لاوډسپيکرونو ناسمه ګټه اخلي.
پر عمران خان له دې وړاندې هم د ښځينه قاضي او د پوليس افسرانو د ګواښلو له امله، د پاکستان د ترهګرۍ مخنيوي قانون لاندې غريضه شوې وه.
که څه هم په دې قضيه کې محکمې د نوموړي ضمانت منلی؛ خو امر يې کړی چې عمران خان دې د اګسټ په ۳۱مه محکمې ته حاضر شي او د عدالت ضد څرګندونو په اړه دې سپيناوی وکړي.
